Klopp APLning ko'p jamoalari «Liverpul»dan umid qilayotganini bilishini aytdi

«Liverpul» jamoasi bosh murabbiyi Yurgen Klopp APLning 23-turida «Chelsi»ga qarshi kechadigan o'yindan oldin o'z fikrlarini bildirib o'tdi.

«Ishonchim komilki, premer-ligadagi ko'plab klublar bizga muxlislik qilib, «Chelsi»ni mag'lub etishimizni istamoqda. Agar peshqadam bilan oradagi farqni qisqartirsak, turnir muxlislar uchun yanada qiziqarli o'tadi.

Biroq biz bu haqda o'ylayotganimiz yo'q. Biz o'zimiz uchun 3 ochko olish haqida o'ylayapmiz, shuning o'zi etarlicha ishtiyoq beradi. Bizga 3 ochko kerak, bundan keyin ochkolarni yo'qotishga haqsizmiz. Biroq hozircha peshqadamni quvib etishga qodirmiz deyishga hali erta», deya Kloppning so'zlarini keltirgan Sky Sports.

Ayni paytda «Chelsi» «Liverpul»ni 10 ochkoga ortda qoldirmoqda. 

«Liverpul» – «Chelsi» o'yini bugun soat 01:00da boshlanadi.

Teglar: klopp, aplning, jamoalari, «liverpul»dan, umid, qilayotganini, bilishini, aytdi,
← OldingaOrqaga →