Payet «Vest Hem»da oxirgi haftalar davomida o'zini qanday tutgani hikoya qilindi
/ Kiritdi: BestMaster O'qilgan: 1172
«Vest Hem» jamoasi aktsionerlaridan biri Devid Sallivan jamoaning sobiq futbolchisi Dimitri Payet oxirgi oylar davomida klubda o'zini qanday tutgani haqida hikoya qildi.
«Keyingi 6-8 haftada Payet jamoadagi hech bir futbolchi bilan gaplashmadi. Tushlik vaqtida u xona burchagida yolg'iz o'tirar edi va oldiga kimdir kelishini istamasdi.
Ungacha Payet juda xushmuomala yigit edi va o'yinlardan oldin biz qo'l siqishib ko'rishar edik. Lekin keyin uning boshida nimadir o'zgardi. Jamoaning barcha futbolchilari uning ketishini so'ray boshladi. Ular buni talab qilishga o'tishdi.
Biz esa uni tarkibda saqlab qolishni istagandik, lekin jamoaga va murabbiyga qarshi bora olmadik.
Uni yana 6 oy davomida o'rinbosarlar jamoasida qoldirishimiz ham mumkin edi – uning maoshi uchun bu vaqt davomida 2-3 million funt ketardi. «Marsel» taklif etgan pul bizni qoniqtirmayotgandi, ammo biz o'ylab ko'rib, uni transfer qilishga rozi bo'ldik. Frantsuzlar Payetni 25 mln funtga olishgani uchun xursand bo'lishlari mumkin. Futbolchining bozordagi haqiqiy transfer qiymati bundan ancha ko'proq edi.
Payet yanvar oyi uchun maosh olishni istamadi – bu 400-500 ming funt deganidir. Bu ham transferning amalga oshishida bir omil bo'ldi. Biz shunday hisobladik: futbolchi yanvar oyida jamoa uchun o'ynashni istamadi – nega unga bu oy uchun maosh to'lanishi kerak?» – deydi Sallivan.
Bosh sahifaga
225
