Chempionlik sari yo'l. Kun uchrashuvi: «Liverpul» — «Chelsi» anonsi
/ Kiritdi: BestMaster O'qilgan: 1413
31 yanvar kuni Angliya chempionatining 23-turiga start beriladi. Turning eng markaziy uchrashuvi «Liverpul» va «Chelsi» ishtirokida «Enfild»da bo'lib o'tishi kutilmoqda. «Chelsi»ni to'xtatib qolish uchun ham bu uchrashuvda mezbonlar g'alaba qozonishi shart. Agar teskarisi bo'lsa, chempionlik kurashida Konte shogirdlariga etib olish juda qiyin bo'lishi mumkin bo'ladi. Yanvarda sakkizta o'yin o'tkazib faqat bir marta g'alaba qozongan Yurgen Klopp jamoasi eng yaqin ta'qibchisini 8 ochko ortda qoldirib ketgan «Chelsi»ni mag'lubiyatga uchratishi kerak bo'ladi.
Qiziqarli faktlar
— bu uchrashuv «Liverpul» va «Chelsi» jamoalarining Premer-Liga tashkil etilgan davrdan buyon o'zaro 70-to'qnashuvi bo'ladi — hali Angliyaning birorta juftligi shu davr mobaynida o'zaro buncha ko'p uchrashuv o'tkazmagan;
— «Liverpul» 2011/12 yilgi mavsumdan buyon ilk marta «Chelsi»ni ham uyda ham mehmonda mag'lubiyatga uchratishi mumkin;
— «Chelsi» chempionat o'yinlarida «Liverpul»ni 50-marta mag'lubiyatga uchratishi mumkin — «ko'klar» bunday natijaga sakkiz jamoaga qarshi o'yinlarda ;
— «Chelsi» so'nggi to'rtta uchrashuvdan buyon «Enfild»da mag'lubiyatga uchramayapti — ikki g'alaba, ikki durang, londonliklar bu erda so'nggi marta deyarli besh yil muqaddam, 2012 yilning mayida mag'lubiyatga uchragan;
— Diego Kosta Premer-Liganing 21ta uchrashuvida 15ta gol kiritgan (16 — barcha turnirlarda);
— g'alaba uchun uch ochko berila boshlangan davrdan buyon Angliya chempionatida dastlabki 22 turdan keyin faqatgina to'rtta jamoa hozirgi «Chelsi»dan (55) ko'proq ochko to'plagan — «Preston»-1888/89 mavsumda, «Tottenhem»- 1960/61, «Liverpul»- 1987/88 va «Chelsi» — 2005/06. Bu jamoalarning barchasi o'sha mavsum yakunida Angliya chempioni bo'lishgan;
— Antonio Konte premer-ligada o'zining dastlabki 55 ochkosini olishi uchun 22 uchrashuv kifoya qildi —bu shunday natija qayd etgan Joze Mourinoning ko'rsatkichidan yaxshiroq, Yurgen Klopp uchun esa buncha ochkoni jamg'arish uchun 34 uchrashuv kerak bo'ldi;
— «Liverpul» Sadio Manesiz o'tgan uchta uchrashuvda bor-yo'g'i 1 ochko qo'lga kiritgan. Senegallik futbolchi joriy mavsumda «Liverpul»ning 15 golida ishtirok etgan — to'qqiz gol, olti golli uzatma.
Kadrlar muammosi
Yurgen Klopp Sadio Mane xizmatidan foydalanish uchun Gabonga charter samolyot jo'natdi. Ammo Afrika kubogi chorak finalida hal qiluvchi penaltini amalga oshira olmagan futbolchining ruhiy holati qay darajada bo'ladi. Bu ham «Liverpul» uchun muammo tug'dirishi mumkin. Adam Lallana kichik jarohatdan so'ng safga qaytishi kutilmoqda. Nataniel Klayn esa qovurg'asidagi muammolar sabab hamon jamoa bilan birga emas.
«Chelsi»esa «Liverpul»ga qarshi o'yin oldidan hech qanday muammolarga duch kelmagan. Jamoa zaxira o'rindig'ini «isitib» o'tirgan Asmir Begovich «Bornmut»ga, Branislav Ivanovich esa «Vest Bromvich» yoki «Zenit»ga o'tish arafasida, ammo bu futbolchilar asosiy tarkibda o'ynaydiganlar sifatida e'tirof etilmaydi.
Taktika
O'yinda qo'llaniladigan taktika deyarli aniq — «Liverpul»ga g'alaba zarur. Shu boisdan ham Klopp jamoasi tavakkal qilib bo'lsada, oldinga intilishi kutilmoqda, «Chelsi» esa himoyada o'ynab qarshi hujumlarni kutib turishi mantiqan olib qaraganda to'g'ri bo'lardi. «Liverpul» ideal o'yin ko'rsatishi kerak bo'lsa «Chelsi»ga qarshi xuddi «Tottenhem» o'ynaganidek o'ynashi kerak bo'ladi.
Taxminiy tarkiblar
Yuqorida aytganimizdek Mane 90 daqiqa o'ynay olishi so'roq ostida turibdi va katta ehtimol bilan u ikkinchi bo'limda maydonga tushirilishi mumkin. «Chelsi» esa so'nggi yutuqlaridagi eng kuchli tarkibini tushirishi kutilmoqda.
«Liverpul»: Minole — Aleksander-Arnold, Matip, Lovren, Milner — Jan, Henderson, Veynaldum — Lallana, Firmino, Koutino.
«Chelsi»: Kurtua — Aspilikueta, Luiz, Keyxill — Mozes, Kante, Matich, Alonso — Villian, Kosta, Azar.
TV-anons
Toshkent vaqti bilan 1 fevralga o'tar kechasi 01:00da boshlanadigan uchrashuv UzReport TV va Rossiyaning Match TV telekanllari orqali to'g'ridan-to'g'ri namoyish etiladi.
Bosh sahifaga
209
