O'yindan oldin «Nasaf»ni mensimagan bahraynlik murabbiy o'yindan keyin avvalgi gaplari uchun tushuntirish berdi

Osiyo Chempionlar Ligasi–2017 turnirining o'tish bosqichida «Nasaf» jamoasi 4:0 hisobida Bahraynning «Al-Hidd» klubini mag'lubiyatga uchratdi. O'yindan keyin tashkil etilgan matbuot anjumanining birinchi qismida «Al-Hidd» ustozi Muhammad Al-Shamlan ishtirok etdi.

«Nasaf» jamoasini bugungi g'alaba bilan tabriklayman. Raqib kuchli o'yin namoyish qildi va kerakli natijaga erishdi. Biz uchrashuv boshidan o'yin tizginini yo'qotdik, natijada esa yirik mag'lubiyatniqabul qildik. «Nasaf» bilan saviya jihatida bir xil ekanimiz haqida aytgan gaplarim hazil edi, bu futbolchilarimni ruhiyatini ko'tarish uchun aytilgan gaplar. «Nasaf» hech qanday imkoniyat qoldirmadi va haqli ravishda g'alaba qozondi. Futbolda hatto «Real» ham mag'lubiyatga uchraydi, shuning uchun bundan fojia yasash kerak emas. O'z ustimizda ko'proq ishlashimi kerak», – dedi Muhammad Al-Shamlan.

Eslatib o'tamiz, mazkur g'alabadan keyin «Nasaf» jamoasi pley-off bosqichiga yo'l oldi. Qarshiliklar guruh bosqichi yo'llanmasi uchun safarda Saudiya Arabistonining «Al-Fotih» klubiga qarshi kuch sinashadi. 

«Nasaf»ning OChL o'tish o'yinidagi raqibi bosh murabbiyi qarshiliklar jamoasini «mensimayapti»

Teglar: oyindan, oldin, «nasaf»ni, mensimagan, bahraynlik, murabbiy, oyindan, keyin, avvalgi, gaplari, uchun, tushuntirish, berdi,
← OldingaOrqaga →