«Lill» disriminatsiya mojarosi ortidan ayollarni keyingi o'yiniga tekinga kiritadi
/ Kiritdi: BestMaster O'qilgan: 868
Frantsiyaning «Lill» jamoasi keyingi uchrashuviga ayollarni tekinga kiritadi. Jamoa o'tgan turda «Lion»ga qarshi o'yin vaqtida muxlislar ko'targan tahqiromuz banner tufayli kelib chiqqan mojaro fonida shunday qarorga kelgan. O'shanda mehmon jamoa muxlislari quyidagi yozuvlar tushirilgan bannerni ko'targandi: «Erkaklar — stadionga, ayollar — oshxonaga».
Shundan so'ng ijtimoiy tarmoqlarda bu hodisa muhokama qilina boshlandi.
Izoh so'rab yozilgan tvitlardan biriga «Lion» prezidenti Jan-Mishel Ola javob yozadi va bu bannerni ko'targa muxlis jazolanishiga va'da beradi.
31 yanvar kuni esa «Lill» jamoasi tvitterida ayol muxlislar jamoaning keyingi turda, 4 fevral kuni «Loryan»ga qarshi uchrashuviga tekinga kiritilishi haqidagi e'lon berildi.
Bosh sahifaga
619