Luis Enrike «Barselona»dan ketishi mumkinligiga ishora qildi
/ Kiritdi: BestMaster O'qilgan: 934
«Barselona» jamoasi bosh murabbiyi Luis Enrike Ispaniya Kubogining yarimfinalida «Atletiko»ga qarshi kechadigan o'yindan oldin o'tkazilgan matbuot anjumanida savollarga javob berdi.
«Maqsadimiz - birinchi uchrashuvda g'alaba qozonish. Buning uchun raqibdan kamida bitta ko'p gol urish kerak.
Men Simeone tarkibda jiddiy o'zgarishlar qiladi deb o'ylamayman. Men ham shunday. Ammo har qanday tarkibda ular qiyin raqib bo'lishadi. Bizning har qanday tarkibimiz ham «Atletiko»ga qiyinchilik tug'dira oladi.
Bizni mehnat qilishdan qochmaydigan raqib kutmoqda. «Atletiko» — dunyoning eng kuchli jamoalaridan biridir. Bizga qiyin bo'ladi», —degan Luis Enrike.
Murabbiy o'yin haqida o'z fikrini ma'lum qilish davomida «Barselona» klubini tark etishi mumkinligiga ishora qilib o'tgan.
«Kim bilsin, balki bu Simeone bilan so'nggi to'qnashuvimizdir», deya uning so'zlarini keltirgan Marca.
Ma'lumot o'rnida, Luis Enrikening «Barselona» bilan tuzgan shartnomasi shu yil yozda, Simeonening «Atletiko» bilan tuzgan shartnomasi 2018 yil yozida o'z nihoyasiga etadi.
«Atletiko» – «Barselona» o'rtasidagi birinchi uchrashuv Madridda, 1 fevral oqshomida bo'lib o'tadi.
Bosh sahifaga
107