UEFA prezidenti JChda Evropa uchun kvotalar soni oshirilishini talab qilmoqda
/ Kiritdi: BestMaster O'qilgan: 966
UEFA prezidenti Aleksander Cheferin jahon futbolining bosh takshilotiga murojaat qilib, 2026 yilda bo'lib o'tadigan jahon chempionatida Evropa terma jamoalari uchun ajratiladigan kvotalar soni oshirilishini so'rab murojaat qildi.
"Biz kvotalar soni ko'paytirilishiga doir pozitsiyamizni so'nggi daqiqalargacha himoya qildik, bu holatda bizda o'z so'zimizni o'tkazishga imkoniyat yo'q edi. Shu sababli oxirigacha kurashishga ahd qildik. So'nggi uch mundialda Evropa terma jamoalari g'olib bo'ldi — Italiya, Ispaniya va Germaniya. Bu nimadan dalolat beradi?..
Umid qilamanki, Janni Infantino bu masalada bizni qo'llab-quvvatlaydi. Bu holatda meni qullayotgan yagona inson hozircha "Bavariya"ning bosh direktori Karl-Haynts Rummenige bo'lib turibdi. Biz u bilan bir necha bor uchrashdik va ta'kidlash o'rinliki, u ham xuddi mendek bu g'oyani qo'llab-quvvatlamoqda", — degan Cheferin.
Ma'lumot uchun, hozirgi 32ta terma jamoa ishtirok etadigan JChda Evropa qit'asi vakillari uchun 13ta o'rin ajratiladi. 2026 yildan ishtirokchi terma jamoalari soni 48taga oshirilishi asosan Osiyo va Afrika terma jamoalari hisobiga ro'y berishi, Evropa uchun esa qo'shimcha 3ta o'rin ajratilishi kutilmoqda.
Bosh sahifaga
217
