Italiya kubogi. «Inter» o'z uyida mag'lubiyatga uchrab, musobaqani tark etdi

Italiya kubogining chorak finalidan o'rin olgan qiziqarli uchrashuvlardan birida «Inter» o'z uyida Rimning «Latsio» klubini qabul qildi.

Italiya chempionatida ketma-ket g'alabalar qozonayotgan Pioli shogirdlari kubokda buni aksiini ko'rsatib berishdi. Felipe Anderson va Lukas Bigliya tomonidan kiritilgan gollarga Marsel Brozovich so'nggi daqiqalarda bitta gol bilan javob bera oldi xolos. 

Natijada «Latsio» Italiya kubogining 1/2 finaliga yo'llanma oldi. «Inter» esa endi bor e'tiborini Italiya chempionatiga qaratish imkoniyatiga ega bo'ldi.

Chorak finalning yana bir uchrashuvi bugun bo'lib o'tadi. Unda «Roma» quyi divizion vakili «Chezena»ni qabul qiladi.

Italiya kubogi
1/4 final

Inter – Latsio 1:2 (0:1).
Gollar: Brozovich (84) – Felipe Anderson (20), Bigliya (56, penalti).
Inter: Handanovich, Murilo, Ansaldi (Medel, 58), D`Ambrozio, Miranda, Banega (Joau Mariu, 46), Kondogbia, Kandreva, Brozovich, Perishich, Palasio (Ikardi, 46).
Latsio: Marketti, de Vrey, Radu, Gabarron, Xudt, Murjia (Uolles, 78), Bigliya, Felipe Anderson (Milinkovich-Savich, 74), Parolo, Lulich (Lukaku, 75), Immobile.
Ogohalantirishlar: D`Ambrozio (45), Radu (45), Xudt (45), Lulich (45), Parolo (52), Gabarron (79), Brozovich (90).
Chetlatishlar: Miranda (54) – Radu (76).

Teglar: italiya, kubogi, «inter», uyida, maglubiyatga, uchrab, musobaqani, tark, etdi,
← OldingaOrqaga →