Morata qaror qabul qildi
/ Kiritdi: BestMaster O'qilgan: 2374
«Chelsi» jamoasi bosh murabbiyi Antonio Konte Madridning «Real» klubidan Alvaro Moratani o'z jamoasiga olib kelish umididan voz kechmayapti.
Goal ma'lumotiga ko'ra, italiyalik mutaxassis Ispaniya terma jamoasiga nomzod bo'lgan bu hujumchini o'tgan yilning yozida va shu yilning qishida o'z jamoasiga o'tishga ko'ndira olmadi. Endi u yozgi transferlar vaqtida bu ishga yana bir bor harakat qilib ko'radi.
Xabar qilinishicha, futbolchi klubini o'zgartirishni istamayapti. U «Real» murabbiyi Zinedin Zidanga asosiy tarkibga munosibligini isbotlamoqchi.
Joriy mavsumda 24 yoshli bu futbolchi «Real» uchun barcha turnirlar doirasida 21 uchrashuvda maydonga tushib, 9 gol urdi hamda 4 golga hammualliflik qildi.
Transfermarkt.de portali uning transfer bahosini 40 mln evro qilib belgilagan, futbolchining madridliklar klubi bilan 2019 yilgacha amalda bo'ladigan shartnomasi mavjud.
Bosh sahifaga
196
