Janubiy Koreya chempionatida o'zbekistonlik futbolchi paydo bo'ldi
/ Kiritdi: BestMaster O'qilgan: 1630
O'zbekiston terma jamoasi «Dinamo» «Bunyodkor» jamoalari sobiq hujumchisi Bahodir Nasimov faoliyatini Janubiy Koreyada davom ettiradi.
Futbolchi Janubiy Koreyaning nufuzi bo'yicha ikkinchi divizioni sanalgan «Key» chaqiruv ligasi vakili «Ansan Griners» klubi bilan shartnoma imzoladi. Hozircha shartnomaning boshqa shartlari bo'yicha aniq ma'lumotlar berilmagan.
Ma'lumot o'rnida ta'kidlab o'tish joiz, «Ansan Griners» ligada debyutatnt jamoa bo'lib, 2016 yilning iyulida Ansan hokimligi tomonidan tashkil etilgan. Hozircha jamoa rasmiy uchrashuvlarni o'tkazmagan. Oktyabr oyida jamoaga Li Xyung Sil bosh murabbiy etib tayinlangan.
Bahodir Nasimov yangi tashkil etilgan klubga taklif qilingan uchinchi legioner sanaladi. Bungacha jamoa braziliyalik Uilliam Enrike va makedoniyalik Lyuka Rotkovichlarni o'z safiga qo'shib olgandi.
Bosh sahifaga
211
