«Manchester Yunayted» va Grizmann o'rtasidagi muzokaralar bo'yicha navbatdagi tafsilotlar ma'lum bo'ldi

«Manchester Yunayted» jamoasi bosh murabbiyi Joze Mourino hujum chizig'ini kuchaytirmoqchi.

Shu tufayli u «Atletiko» hujumchisi Antuan Grizmanni jamoasiga olib kelish uchun jiddiy qiziqish bildirmoqda.

The Guardian ma'lumotiga ko'ra, «qizil iblislar» ushbu 25 yoshli futbolchining transferi uchun 100 million evro sarflashga tayyor. Futbolchining o'zi ham faoliyatini Angliyada davom ettirishga tayyorligi va u shaxsiy shartnoma bandlari xususida kelishib olgani aytilgan.

Unga ko'ra, Grizmanning «Manchester Yunayted»dagi yillik maoshi miqdori 18 million evroni tashkil qiladi. Futbolchining «Atletiko» bilan 2021 yilgacha amalda bo'ladigan shartnomasi mavjud. 

Joriy mavsumda ushbu frantsuz futbolchisi Ispaniya chempionatining 19 uchrashuvida maydonga tushdi va 8 gol urib, 4 golga uzatma berdi. 

Grizmann 2016 yilgi Evropa chempionatining eng yaxshi futbolchisi bo'lgandi. U Frantsiya bilan turnir finaliga qadar borgan, 6 gol urgandi. 

Teglar: «manchester, yunayted», grizmann, ortasidagi, muzokaralar, boyicha, navbatdagi, tafsilotlar, malum, boldi,
← OldingaOrqaga →