«Tottenhem» futbolchisi ruhiy muammolari tufayli yurtiga qaytib ketmoqchi 

«River Pleyt» va «Tottenhem» Erik Lamelaning transferi bo'yicha muzokara boshlagan.

Argentina klubi 24 yoshli futbolchini ijaraga olmoqchi. Infobae xabariga ko'ra, Lamela ruhiy muammolari tufayli vataniga qaytib ketmoqchi.

«Lamelada hissiy inqiroz yuzaga kelgan. U akasi avtohalokatga uchrashi, keyin sevimli kuchugi Simba jon bergach qiyin davrlarni boshdan kechirmoqda», – degan londonliklar jamoasi bosh murabbiyi Maurisio Pochettino.

Lamela bel qismidagi jarohat tufayli «Tottenhem» safida o'tgan yilning oktyabridan buyon o'ynamayapti. U Rimda davolandi.

Ma'lumot uchun, Lamela «Roma»ga 2011 yilda «River Pleyt» safidan kelib qo'shilgandi. 2013 yilda esa u Angliyaga yo'l oldi.

Lamela APLning joriy mavsumida 9 uchrashuvda maydonga tushib, 1 gol urgan va bir golga hammualliflik qilgan.

Teglar: «tottenhem», futbolchisi, ruhiy, muammolari, tufayli, yurtiga, qaytib, ketmoqchi ,
← OldingaOrqaga →