Kassano agar yangi jamoa topmasa nima ish qilmoqchi ekanini aytib hammani ajablantirdi
/ Kiritdi: BestMaster O'qilgan: 1344
«Sampdoriya», «Roma» va Italiya terma jamoasining sobiq hujumchisi Antonio Kassano yanvardan boshlab erkin agent maqomiga ega bo'ldi. Agar futbolchi tez orada yangi jamoa topmasa, boshqa ish bilan shug'ullanishini aytdi.
«Hozir yaxshi jismoniy holatga egaman. Axir «Sampdoriya» yoshlari bilan mashg'ulotlarda ishtirok etdim. Agar takliflar bo'lsa, ko'rib chiqishga tayyorman. Biroq hozircha bunday takliflar yo'q.
Uydan kam chiqyapman, ko'p vaqtimni oilam bilan birga o'tkazmoqdaman. Yangi jamoamga foydam tegishi uchun kuch to'plashga harakat qilmoqdaman. Agar aksincha bo'lib, yangi jamoa topa olmasam, enagalik qilaman va xotinimning agenti bo'laman» - deya Kassanoning so'zlarini keltiradi Sky Sport Italia nashri.
Ma'lumot uchun, Kassanoning xotini Karolina Marchialis suv polosi sport turida professional o'yinchi sanaladi.
Bosh sahifaga
155