«Inter» Evropa grandlari qiziqqan himoyachini ilib ketishga yaqin turibdi

«Volfsburg» himoyachisi Rikardo Rodriges Italiyaning «Inter» klubiga o'tishga yaqin turibdi. Bu haqda Calciomercato nashri xabar tarqatdi.

Manba bergan xabarga ko'ra, «neradzurri» shveytsariyalik futbolchini yozgi transferlar bozorida sotib olish bo'yicha kelishuvga erishgan. Milanliklar shuningdek Rodriges bilan shaxsiy shartnoma bo'yicha kelishib olgan. Unga ko'ra, Rodriges «Inter» bilan  5 yillik shartnoma tuzadi va yiliga 5 million evro maosh oladi.

Xabar qilinishicha, «Inter» «Volfsburg» futbolchi uchun talab qilayotgan 22 million evroni to'lashga tayyor ekanini bildirgan.

Eslatib o'tamiz, Rikardo Rodrigesni sotib olish uchun Evropaning grand jamoalari, jumladan «Real», «Manchester Siti» kabi klublari da'vogarlik qilayotgani haqida xabarlar tarqalgandi.

Teglar: «inter», evropa, grandlari, qiziqqan, himoyachini, ilib, ketishga, yaqin, turibdi,
← OldingaOrqaga →