Video: Sanjar Shoahmedov Qatar chempionatidagi ilk golini Sardor Rashidov jamoasiga qarshi o'yinda urdi
/ Kiritdi: BestMaster O'qilgan: 1177
Qatar yulduzlari ligasida 19-turidan o'rin olgan uchrashuvlardan birida «Al-Jaish» o'z maydonida «As-Sayliya» klubini qabul qildi.
Ma'lumot uchun, ikkala jamoa safida ham O'zbekiston terma jamoasiga nomzod bo'lgan futbolchilar to'p suradi. «Al-Jaish» tarkibida Sardor Rashidov, «As-Sayliya» tarkibida esa Temurxo'ja Abduholiqov va Sanjar Shoahmedov to'p surmoqda. Har uchala futbolchi ham o'yinni asosiy tarkibda boshladi.
Uchrashuv 1:1 hisobida durang natija bilan nihoyasiga etdi. E'tiborli tomoni, uchrashuvning 23-daqiqasida Shoahmedov hisobni ochgandi. Bu Sanjarning Qatar chempionatidagi ilk goli bo'ldi. Mezbonlarning yagona golini Yosir Abubakr kiritdi.
Ushbu durangdan keyin «Al-Jaish» hisobidagi ochklar soni 36taga etdi va jamoa 4-o'rinda qoldi. «As-Sayliya» esao'z ochkolarini 20taga etkazib 8-pog'onaga ko'tarilib oldi.
Eslatib o'tamiz, bundan bir necha kun muqaddam Temurxo'ja Abduholiqov klubdagi debyut golini kiritishga muvaffaq bo'lgandi.
Qatar Yulduzlar ligasi
19-tur
Al-Jaish - As-Sayliya 1:1 (1:1)
Gollar: Yosir Abubakr (43) - Sanjar Shoahmedov (23).
Bosh sahifaga
1871