Eron jamoasi Server Jeparovni boshqa jamoaga ijaraga berdi
/ Kiritdi: BestMaster O'qilgan: 1323
Yanvar oyida Eronning «Istiqlol» klubi bilan 1.5 yillik shartnoma imzolagan O'zbekiston terma jamoasi yarim himoyachisi Server Jeparov faoliyatini Eronning yana bir jamoasida davom ettiradi.
Server Jeparov mavsumning qolgan qismi uchun Isfaxonning «Sepohon» klubiga ijaraga berilgan.
FIFA «Istiqlol» klubiga yanvar oyida yangi futbolchilarni ro'yxatdan o'tkazishni taqiqlab qo'yganidan keyin tehronliklar mavsum yakuniga qadar Jeparovni boshqa klubga ijaraga berish haqida bosh qotirishayotgan edi. Dastlab, o'zbekistonlik yarim himoyachi Xuzistonning «Istiqlol»iga o'tishi haqida aytilgandi. Ammo xuzistonliklar jamoasi bu xabarni tasdiqlamagandi.
Jeparov 2016/2017 yilgi mavsum oxirigacha «Sepohon»da o'ynaydi va keyingi mavsum boshida «Istiqlol»ga qaytadi.
Bosh sahifaga
210
