Diego Kosta qaroridan qaytmadi
/ Kiritdi: BestMaster O'qilgan: 1445
«Chelsi» hujumchisi Diego Kosta yozda jamoani tark etadi va Xitoy chempionatiga yo'l oladi. Bu haqda Cadena Ser xabar tarqatgan.
Diego Kosta nomi aytilmayotgan Xitoy klubi bilan kelishuvga erishgan. Unga bu jamoa yiliga 30 mln evro miqdorida maosh to'lamoqchi. Agar bu transfer amalga oshsa, ispaniyalik bu futbolchi dunyoning eng ko'p maosh oluvchi futbolchilaridan biriga aylanadi.
Diego Kosta Xitoyga yanvar oyidayoq ketmoqchi bo'lgandi, ammo «Chelsi» rahbariyati futbolchini qo'yib yubormadi. Londonliklarga uning transferi uchun 85 mln evro taklif etilgan, ammo rad javobi olingan.
Agar Diego Kosta jamoani tark etsa, Antonio Konte uning o'rnini Alvaro Morata bilan to'ldirishi mumkin. U «Yuventus»da ishlaganida ushbu ispaniyalik yosh hujumchiga ustozlik qilgandi.
Bosh sahifaga
1722