APL hujumchilaridan biri doping tufayli 3 oyga diskvalifikatsiya qilingani ma'lum bo'ldi
/ Kiritdi: BestMaster O'qilgan: 1158
Qishki transferlar vaqtida, 22 yanvar kuni 12 million funt evaziga «Stok Siti» jamoasi a'zosiga aylangan Saydo Beraxino «Vest Bromvich»daligida Angliya futbol assotsiatsiyasi tomonidan maxfiy ravishda diskvalifikatsiya qilingani ma'lum bo'ldi.
The Daily Mail xabariga ko'ra, futbolchining doping-probasida tiklanishga yordam beruvchi modda topilgan. Proba sentyabrda, APL o'yinlari o'tkazilmayotgan vaqtda olingandi. Uning qonida topilgan modda nomi aytilmayapti, ammo bu modda Jahon antidoping agentligi (WADA) tomonidan taqiqlangan moddalar ro'yxatiga kiritilmagan, ammo FA ro'yxatida bor. Assotsiatsiya buning uchun futbolchini yarim yil muddatgacha chetlatishi mumkin edi va shu sababli futbolchi APL mavsumining birinchi davrasida maydonga tushmadi.
Beraxino maxfiy ravishda diskvalifitsiya qilingan. U «Vest Bromvich» jamoasida oxirgi marta 10 sentyabr kuni maydonga tushgandi.
Endilikda diskvalifikatsiya muddati yakunlangan va u yangi klubida debyut qildi.
Bosh sahifaga
108
