Benites «Nyukasl»dan ham ketishi kutilmoqda
/ Kiritdi: BestMaster O'qilgan: 797
«Nyukasl» jamoasi bosh murabbiyi Rafael Benites yaqin vaqtlar ichida klubni tark etishi mumkin.
The Independent xabariga ko'ra, murabbiy klubning transfer siyosatidan norozi va rahbariyat bilan kelisha olmayapti. Xususan, «qarg'alar» jamoasi xo'jayini Mayk Eshli unga qishki transferlar uchun va'da qilgani 30 million funtni bermagan. Bundan tashqari, Benites vinger Endros Taunsendning «Kristal Pelas»ga qo'yib yuborilgani va «Everton»dan tayanch yarim himoyachisi Jeyms Makkartining olib kelinmaganidan qattiq norozi bo'lgan.
«Biz qishda hech kimni tarkibga jalb qilmaganimiz uchun qattiq xafaman. Nega bunday bo'lganini tushunmayapman», degan Benites.
Chempionshipning 28 turidan keyin «Nyukasl» liga turnir jadvalida ikkinchi o'rinda bormoqda. Ikkinchi o'rin APLga to'g'ridan-to'g'ri yo'llanma beradi, uchinchi o'rindagi «Reding» Benites shogirdlaridan 4 ochko ortda qolmoqda.
Bosh sahifaga
231