Boku EChL finali mezbonligi uchun da'vogar
/ Kiritdi: BestMaster O'qilgan: 957
Boku va Madrid shaharlari Chempionlar ligasining 2018/19 yilgi mavsumi finalini qabul qilish uchun da'vogar shaharlar bo'lib turibdi. Bu haqda UEFA rasmiy sayti xabar bergan.
Ozarboyjon poytaxti Chempionlar ligasi finaliga mezbonlik qilsa, uchrashuv "Olimpiya stadioni"da o'tkaziladi. Madrid esa "Atletiko" stadionini mezbonlik uchun ko'rsatadi.
2019 yilgi Evropa Ligasi finalini o'tkazish uchun esa Boku, Frankfurt, Shtutgart, Tbilisi, Sevilya, Istanbul va Glazgo shaharlari da'vogar.
Chempionlar ligasining ayollar o'rtasidagi turnirida 2018/19 yilgi finalni o'tkazishni Budapesht, Madrid, Astana, Kaunas (Litva), Praga va Glazgo shaharlari istamoqda.
2019 yilgi UEFA Superkubogi uchrashuvini o'zida qabul qilish istagini Tirana, Budapesht, Xayfa (Isroil), Astana, Varshava, Gdansk (Polsha), Belfast (Irlandiya), Istanbul, Tuluza va Glazgo shaharlari bildirgan.
2019 yilgi evrokuboklar finallari mezbonlarini aniqlash jarayoniga 2016 yilning 9 dekabrida start berilgandi. Murojaatlar va arizalar shu yilning 6 iyuniga qadar qabul qilinadi. Sentyabr oyida UEFA Ijroiya qo'mitasi mezbonlar nomini ma'lum qiladi.
Legioner 
Bosh sahifaga
1966
17 Mart 2022, 09:59