Raneri shov-shuvli bayonot bilan chiqdi
/ Kiritdi: BestMaster O'qilgan: 1044
«Lester» jamoasi bosh murabbiyi Klaudio Raneri muvaffaqiyatsizliklar tufayli o'zining jamoadagi o'rni avvalgidek emasligi haqida gapirdi. U iste'foga chiqarilishi mumkinligini tan olgan.
«Iste'fo? Bo'lishi mumkin. O'tgan mavsum – umuman boshqa voqea. Unda deyarli har bir zarbamiz golga aylanar, raqib o'z imkoniyatlaridan foydalana olmas edi. Darvozamizga penalti belgilanmas, aksincha, raqib darvozasiga penalti tepar edik.
Bu mavsum ishlarimiz yurishmayapti, biroq kurash olib borishimiz shart. Agar hammasi muvaffaqiyatli kechsa, u holda ko'pchilik: «Ajoyib ish. Bu siz uchun oson» - deb aytadi. Agar ishlar yurishmasa, iste'fo haqida gapirishadi», deya Ranerining so'zlarini keltirgan Sky Sports.
Ayni vaqtda «Lester» APL turnir jadvalining 16-pog'onasida joylashib turibdi. O'tgan mavsumda Raneri sensatsion ravishda Angliya chempioni bo'lgandi.
«Lester» 24-tur doirasida 5 fevral kuni «MYu»ga qarshi maydonga tushadi.
Bosh sahifaga
1501