Venger «Chelsi»ning birinchi goli bo'yicha Konte bilan hamfikr emas
/ Kiritdi: BestMaster O'qilgan: 821
«Arsenal» jamoasi bosh murabbiyi Arsen Venger APLning 24-turida «Chelsi»ga qarshi kechgan uchrashuvdan keyin intervyu berdi. Uchrashuv Londondagi «Stemford Brij» stadionida kechdi va mezbonlarning 3:1 hisobidagi g'alabasi bilan yakunlandi. «Kanonirlar» ketma-ket ikkinchi marta mag'lubiyat alamini totib ko'rishdi.
«Birinchi golni „Chelsi“ qoidani buzgan holda urdi, bu 100 foizga fol edi. Raqib futbolchi xavfli o'yin qilgandi. Ammo men „Chelsi“ning ajoyib o'yin ko'rsatganini inkor etmayman. Biz o'yinni yaxshi boshlagandik. Ammo o'z imkoniyatlarimizni golga aylantira olmadik, ikkinchi gol esa bizni harakatdan to'xtatdi.
Himoyamiz juda yomon harakatlandi. Biz tavakkal qilib oldinga majbur bo'ldik, ammo „Chelsi“ qarshi hujumlardan unumli foydalanib qoldi. Biz to'pni ko'p yo'qotdik, bir qancha futbolchilarimiz bugun ishonchni oqlamadi», — degan Venger BBC Sport efirida.
Bosh sahifaga
130