«Milan» bosh murabbiyi jamoa muxlislarini ranjitadigan kutilmagan bayonot bilan chiqdi

«Milan» bosh murabbiyi Vinchentso Montella Italiya A Seriyasining «Sampdoriya»ga qarshi uchrashuvi oldidan o'z fikrlari bilan o'rtoqlashdi.

«Biz har doim faqat g'alaba uchun maydonga tushishimiz kerak. «Sampdoriya» — yaxshi, yosh futbolchilar bilan to'ldirilgan ajoyib jamoa. Bu o'yinda to'p bilan tezkor harakat qilishimiz va sabrli bilan o'ynashimiz kerak bo'ladi. 

Manzilimga bo'layotgan tanqidlarni to'g'ri qabul qilaman. Men shunchaki o'z ishimni davom ettirishim kerak, shunday ekan ba'zi muvaffaqiyatsiz o'yinlardan xavotirga tushib qolayotganim yo'q. Hozir «Milan»dagi faoliyatim davomidagi eng qiyin pallani boshimdan o'tkazmoqdaman. Boshida menga berilgan biror-bir savollarga javobim yo'q edi. Endi esa bor. O'ylashimcha, «Milan» uchun A seriyadagi 8-o'rin adolatli natija. Chunki bizda jamoa juda yosh futbolchilardan iborat. Har qanday yosh jamoaning ko'tarilish va pasayish davri bo'ladi», — deya Montellaning so'zlarini keltiradi Football Italia nashri.

Teglar: «milan», bosh, murabbiyi, jamoa muxlislarini, ranjitadigan kutilmagan, bayonot, bilan, chiqdi,
← OldingaOrqaga →