Venger «Arsenal»ning chempionlik poygasidagi ishtiroki haqidagi savolga javob berishni istamadi

«Arsenal» jamoasi bosh murabbiyi Arsen Venger APLning 24-turida «Chelsi»ga qarshi o'yindan keyin chempionlik poygasi haqidagi savolga javob qaytarishdan bosh tortdi. 

Uchrashuv Londondagi «Stemford Brij» stadionida kechdi va mezbonlarning 3:1 hisobidagi g'alabasi bilan yakunlandi. «Kanonirlar» ketma-ket ikkinchi marta mag'lubiyat alamini totib ko'rishdi. 

«Hozir mendan „Arsenal“ chempionlik uchun kurashish-kurashmasligini so'raydigan vaqt emas. „Chelsi“ning holati barchaga ma'lum. Ular juda yaxshi o'ynamoqda va ochko jamg'armoqda. „Chelsi“ top-klublarga qarshi o'yinlarda ochko yo'qotmayapti, bu esa chempionatda hal qiluvchi ahamiyatga ega», — deya Vengerning so'zlarini keltirgan BBC.

«Chelsi» 24-turdan keyin 59 ochko bilan APL turnir jadvalida peshqadamlik qilmoqda, jamoani «Tottenhem» va «Arsenal» 12 ochko ortda qolgan holda ta'qib etmoqda.

Teglar: venger, «arsenal»ning, chempionlik, poygasidagi, ishtiroki, haqidagi, savolga, javob, berishni, istamadi,
← OldingaOrqaga →