Aleks Oksleyd-Chemberlenni tutib olishdi. U o'zini oqlashga urindi

«Arsenal» yarim himoyachisi Aleks Oksleyd-Chemberlen o'z tvitterida Arsen Vengerni ishdan bo'shatish haqidagi tvitni qo'llab-quvvatlagani haqidagi xabarlarga munosabat bildirdi.

«Men albatta bu postga layk bosish niyatida bo'lmaganman. Men hatto layk bosganimni bilmadim!» – deya yozgan Oksleyd-Chemberlen tvitterida.

«Arsenal» APLning 24-turida «Chelsi»ga 1:3 hisobida yutqazdi. Chemberlenning tvitter lentasida «Arsenal» jamoasining ArsenalFanTV nikli muxlisi Venger lavozimidan ketishi kerakligi haqida yozgan tvit shu o'yindan keyin paydo bo'ldi. Futbolchi ko'p o'tmay o'z laykini qaytarib olgan, ammo buni jurnalistlar sezib bo'lishgandi.

Antonio Konte jamoasi 59 ochko bilan APL turnir jadvalida peshqadamlik qilishda davom etmoqda. Bu jamoa«kanonirlar»ni va «Tottenhem»ni 12 ochkoga ortda qoldirib ketdi. Keyingi turda «Arsenal» «Hall Siti»ni qabul qiladi (11 fevral), shu kuni «Chelsi»  «Byornli» maydoniga safar qiladi.

Teglar: aleks, oksleyd-chemberlenni, tutib, olishdi, ozini, oqlashga, urindi,
← OldingaOrqaga →