Mourino «MYu» «Bavariya» kabi imkoniyatlarga ega emasligini aytdi

«Manchester Yunayted» jamoasi bosh murabbiyi Joze Mourino uning klubi «Bavariya» Germaniyada qilayotgan ishlarni qila olmasligi, bu grand kabi raqiblarining kuchli o'yinchilarini sotib olomasligini aytib o'tdi.

«Angliya futbolida yangi davr boshlandi. Bu er Germaniya emas. U erda «Bavariya»ning chempion bo'lishi mavsum boshlanmasidanoq aniq bo'ladi. Ular har yili «Borussiya»ning yaxshi futbolchilarini sotib olishadi. Robert Levandovski, keyin Mario Gyottse, so'ng Mats Hummels... Shuning uchun ular yozdayoq chempion bo'lib ulguradi.

Siz mening «Tottenhem»ga borib, ikki nafar kuchli futbolchisini sotib olishimni tasavvur qila olasizmi? «Arsenal» va «Chelsi» bilan ham xuddi shunday. Raqobatchini bunday yo'l bilan mag'lub etishning vaqti o'tdi. Agar bir jamoadan futbolchi sotib olsangiz, demak, bu futbolchi ularga shunchaki kerak emas. Endi transferlar bilan raqibga zarar etkazib bo'lmaydi.

Albatta, «Real», «Bavariya», «Barselona» va «PSJ» kimni xohlasa - shuni sotadi. Hozir omadli transfer qilish qiyin», deya Mourinoning so'zlarini keltirgan The Telegraph.

Teglar: mourino, «myu», «bavariya», kabi, imkoniyatlarga, emasligini, aytdi,
← OldingaOrqaga →