Hozir Kontening «bozori chaqqon». Unga fantastik darajadagi pullar taklif etildi
/ Kiritdi: BestMaster O'qilgan: 1318
Italiyaning «Inter» klubiga egalik qiluvchi Xitoyning Suning kompaniyasi jamoa bosh murabbiyligiga Antonio Konteni taklif qilishni istamoqda. Bu haqda Football Italia nashri Tuttosport bergan ma'lumotga tayanib xabar tarqatdi.
Manbaning xabariga ko'ra, 47 yoshli mutaxassisga yillik maoshi 15 million evro bo'lgan to'rt yillik shartnoma taklif qilinmoqda. Shuningdek Konte yangi futbolchilarni sotib olish uchun 400 million evro byudjetga ega bo'ladi.
«Neradzurri»larning Suning rahbarligidagi birinchi murabbiy Frank De Bur bo'lgandi, ammo yarim mavsum ishlamasdan turib iste'foga chiqarilgandi.
Uning o'rniga murabbiy etib tayinlangan Stefano Pioli «Inter» bilan 9 uchrashuvda ketma-ket g'alaba qozondi va jamoani to'rtinchi o'ringacha olib chiqdi. Ammo 51 yoshli mutaxassisning uzoq muddatli yangi loyihadagi kelajagi so'roq ostida qolmoqda.
47 yoshli Antonio Konte «Chelsi» rahbarligiga Evro-2016 turniridan keyin kelgan va 2019 yilgacha davom etuvchi shartnoma tuzgandi. APLning 24 tur uchrashuvlaridan keyin «ko'klar» jamoasi eng yaqin ta'qibchisini 12 ochko farq bilan ortda qoldirib, turnir jadvalida ishonch bilan peshqadamlik qilmoqda.
Bosh sahifaga
433