Pioli: “O'zimiz yo'l qo'ymagan xatolar sababli mag'lub bo'ldik”
/ Kiritdi: BestMaster O'qilgan: 707
«Inter» futbol klubi bosh murabbiyi Stefano Pioli Italiya A seriyasi 23-turi doirasidagi «Yuventus» bilan uchrashuvda hakam Nikola Ritstsolaning ishidan qoniqmaganini bildirdi. Uchrashuv Turin klubi foydasiga 1:0 hisobi bilan yakunlandi, bahsdagi yagona gol 45-daqiqada Xuan Kuadrado tomonidan kiritildi.
«Men o'tkazib yuborilgan goldan g'azablandim, sababi o'yinchilarim noto'g'ri pozitsiyani tanlashdi va Kuadrado bundan foydalanib qoldi. Birinchi bo'limda „Yuventus“ jarima maydonchasida ikkita bahsli holat yuz berdi hamda arbitr penalti belgilashi lozim edi. Shu bilan bir qatorda, hakam qo'shimcha yordamchisi vaziyat sodir bo'lgan joydan 23 santimetrlik masofada turgandi. Uchrashuv yakuniga etgach, bu qarorlar va Perishichning qizil kartochkasi tufayli bir qadar qiziqqon vaziyat yuzaga keldi.
Men himoyachi bo'lganman va Kellini o'z o'yinchisini qo'ldan chiqarib yuborib, Ikardiga qarshi tirsagi bilan o'ynaganini aniq aytishim mumkin. Ming afsuski, biz o'zimiz yo'l qo'ymagan xatolar sabab mag'lub bo'ldik. Barcha muhim vaziyatlarda qarorlar bizning foydamizga qabul qilinmadi», - deya Piolining so'zlarini keltiradi Sky Sport Italia nashri.
Bosh sahifaga
200