Evropaning eng sermahsul jamoalari: «Arsenal» o'z o'rnida
/ Kiritdi: BestMaster O'qilgan: 1032
O'tgan haftada Kataloniyanig «Barselona» klubi va Frantsiya chempionati ishtirokchisi «Monako» jamoalari joriy mavsumda kiritgan gollari sonini 100taga etkazib olishdi. Tribuna.Uz 100lik dovonni zabt etishga da'vogar kuchli beshlikning boshqa jamoalari reytingini tuzib chiqdi.
7-o'rin. «Napoli» – 31 uchrashuv, 70ta gol (55ta A serida + 11ta EChLda + 4 Italiya kubogida)
Neapolda xuddi o'tmishda bo'lgani kabi yana top jamoa shakllanmoqda. Jamoa o'tgan haftada «Bolonya»ni 7:1 hisobida mag'lubiyatga uchratdi. Higuainning sotib yuborilishi va uning o'rniga sotib olingan Milikning jiddiy jarohati ham jamoaning samaradorligiga hayratlanarli darajada ta'sir o'tkazmayapti. Neapolliklar haqli ravishda Italiyaning eng sermahsul jamoasi bo'lib turibdi. Belgiyalik hujumkor yarimhimoyachi Dris Mertens boshqa chiziqqa o'tgach gollarni qalashtirib tashlamoqda. Hozirgacha A seriya va EChLni qo'shib hisoblaganda uning hisobida 20ta gol bor.
6-o'rin. «Manchester Siti» – 35 uchrashuvda 77ta gol (49ta APLda + 18ta EChLda + 8ta Angliya kubogida + 2ta Liga kubogida)
Pep Gvardiola va Serxio Agueroda turli muammolar paydo bo'layotganiga qaramay, «Siti» hamon ko'p gol kiritishda davom etmoqda. Endi bu ko'rsatkich yanada o'sishi mumkin. Sababi Manchesterda paydo bo'lgan yangi qahramon Gabriel Jezus premer-liga doirasidagi so'nggi ikki uchrashuvda nimalarga qodir ekanini namoyish etishga ulgurdi.
5-o'rin. «PSJ» – 35 uchrashuvda 82ta gol (45ta 1 Ligada + 13ta EChL + 11ta Frantsiya kubogida + 9ta Liga kubogida + 4ta Frantsiya Superkubogida)
Jamoani Zlatan tark etgach, Edinson Kavani etakchilikni qo'lga oldi. Tinmasdan gollar kiritayotgan futbolchi «PSJ» va Liga 1ning etakchi to'purariga aylanib oldi. Jamoa o'tgan mavsumlardagi sermahsullik balansini ushlab turgan bo'lsada, bu ko'rsatkichi bilan ham, natijalar bo'yicha ham hattoki Frantsiyada etakchilik qila olmayapti.
4-o'rin. «Arsenal» – 35 uchrashuvda 83ta gol (52ta gol APLda + 18ta EChLda + 7ta Angliya kubogida + 6ta Liga kubogida)
Ishoning, buni biz atayin qilmadik. So'nggi o'yinlarni Vengersiz o'tkazayotgan jamoa baribir Venger va jamoaning «xos an'analari»dan voz kecha olmayapti
3-o'rin. «Real Madrid» – 34 uchrashuvda 98ta gol (51ta La-ligada + 16ta EChLda + 22ta Ispaniya kubogida + 6ta klublar o'rtasidagi JChda + 3ta Evropa superkubogida)
Ispaniya chempionati lideri hozircha qancha lozim bo'lsa shuncha gol kiritmoqda. Albatta jamoa hozircha 100lik dovonni zabt etgani yo'q, ammo bu marraga etib borgan asosiy raqiblari «Barselona»dan madridliklar ikkita kam uchrashuv o'tkazganini hisobga olsak, bu ko'rsatkich bo'yicha nafaqat etib olishni, balki ilgarilab ketishni ham kutish mumkin.
2-o'rin. «Monako» – 38 uchrashuvda 100ta gol(68ta Liga 1da + 16 EChLda + 7 Frantsiya kubogida + 9ta Liga kubogida)
Aytish mumkin bo'lsa, evromavsumning eng asosiy kashfiyoti. Frantsiyadagi murabbiylik davrining dastlabki qismida o'ta himoyaviy taktikada o'ynovchi jamoadek taassurot qoldirgan Leonardo Jardim, bu mavsumda barchani ajablantirishda davom etmoqda. O'sha eski yuqori formadagi Falkao jamoaga qaytgach, klub Frantsiya chempionatida peshqadamlik qilmoqda va sermahsullikda barchani hayratga solmoqda.
1-o'rin. «Barselona» – 36 uchrashuvda 100ta (55ta La-ligada + 20 EChLda + 20ta Ispaniya kubogida + 5ta Ispaniya superkubogida)
Hozircha bu mavsumni kataloniyaliklar uchun omadli kelayapti, deb aytib bo'lmaydi. Jamoa La-ligada peshqadamdan yaxshigina farq bilan ortda qolmoqda. EChLda «Manchester Siti»ga qarshi mehmondagi kabi o'ta muvaffaqiyatsiz o'yinlar uchrab turibdi. Ammo bu jamoaning Evropadagi eng sermahsul jamoa bo'lib turishi uchun xalaqit bermayapti: Messi va Suares La-liga to'purarlik poygasida etakchilikni davom ettirayapti.
Bosh sahifaga
1818