Frantsiya chempionatining yulduz hujumchisi «Barselona»ga rad javobini bergan

«Barselona» yozgi transferlar vaqtida «Lion»dan Aleksandr Lyakazettni xarid qilmoqchi bo'lgan. Bu haqda futbolchining o'zi Canal + telekanaliga bergan intervyusida aytib o'tdi.

Lyakazettning o'zi aytishicha, «Barselona» yozgi transferlar vaqtida futbolchini o'z safiga qo'shib olmoqchi bo'lgan, ammo futbolchi frantsuz klubida qolishni ma'qul ko'rgan. U Kataloniyada asosiy tarkibga kira olishiga ko'zi etmagandi. Yakunda «Barselona» «Valensiya»dan Pako Alkaserni sotib olgandi.

Lyakazettga o'tgan yilning yozida «Arsenal» jamoasi ham qiziqish bildirgan, ammo frantsuzlar jamoasi berilgan taklifga rad javobi qaytargandi.

Bundan oldinroq, ushbu hujumchi kelgusi yozda jamoasini o'zgartirmoqchi ekanini ma'lum qilgani haqida xabar berildi. Ushbu futbolchining xizmatlariga «Liverpul» hamda «Vest Hem»da qiziqish mavjud.

Teglar: frantsiya, chempionatining, yulduz, hujumchisi, «barselona»ga, javobini, bergan,
← OldingaOrqaga →