Ravshan Ermatov Avstraliyadagi o'yinni boshqaradi
/ Kiritdi: BestMaster O'qilgan: 989
O'zbekistonlik FIFA referisi Ravshan Ermatov OFK tomonidan OChL–2017 turniri F guruhi 1-turidan o'rin olgan «Vestern Sidney Uonderers» (Avstraliya) – «Urava Red Daymonds» (Yaponiya) uchrashuviga bosh hakam etib tayinlandi. Bu haqda O'FF rasmiy sayti xabar tarqatdi.
Ravshan Ermatovga qanotlarda odatdagidek Abduhamidullo Rasulov va Jahongir Saidov yordam beradi. OFK to'rtinchi hakam vazifasini malayziyalik Sahaizi Bin Shukriga yukladi.
Uchrashuv komissari Xitoy Taypeyi vakili Chin Fan Chuang bo'ladi. Hakamlar nazoratchisi vazifasini singapurlik Abdul Malik Bin Abdul Bashir bajaradi.
Vestern Sidney Uonderers» – «Urava Red Daymonds» uchrashuvi 21 fevral kuni Avstraliyaning Sidney shahridagi Campbell Town Stadium maydonida bo'lib o'tadi. Uchrashuv mahalliy vaqt bilan soat 20:00da start olishi rejalashtirilgan.
Bosh sahifaga
2112