«Arsenal»ning sobiq futbolchisi klubda nimalar ro'y berayotganini aytdi

«Arsenal»ning yaqin o'tmishdagi yulduzlaridan biri, sobiq himoyachisi Sol Kempbell klubning bugungi kundagi muammolari haqidagi fikrlarini bildirib o'tdi.

Arsen Venger jamoasi APLning oxirgi ikki turida «Uotford» (0:2) va «Chelsi» (1:3) jamoalariga mag'lub bo'ldi. Endilikda Arsen Venger jamoasi turnir jadvali peshqadami «Chelsi»dan 12 ochkoga ortda qolmoqda. «Kanonirlar» jamoasi oxirgi marta 2004 yilda milliy chempionatni yutgandi.

«Avval jamoada saviyali ingliz futbolchilari va legionerlar o'rtasida muvozanat bo'lardi. Bu futbolchilarning barchasi aqlli futbolchilar edi va haqiqiy jamoa tuzilgandi. Ko'plab boshqa klublar bu jamoadan namuna olardi. «Arsenal»da endi vaqt o'tib bu narsa yo'qoldi va bundan jabr chekmoqda», - deya Kempbellning so'zlarini keltirgan Goal.

Teglar: «arsenal»ning, sobiq, futbolchisi, klubda, nimalar, berayotganini, aytdi,
← OldingaOrqaga →