«MYu»ning sobiq futbolchisi: «Arsenal»ning chempionlikka da'vogarligi haqida gapirsangiz, odamlar kula boshlaydi

«Manchester Yunayted»ning sobiq futbolchisi Diego Forlan «Arsenal» bosh murabbiyi Arsen Vengerning ishi haqidagi fikrlarini bildirib o'tdi.

«Venger tarixi haqida yaxshi xotiralar qoladi – u buyuklardan biri. Ammo «Arsenal» yildan yilga chempionlik uchun kurasha olmaydigan jamoaga aylanib bormoqda. 

Uning jamoadagi faoliyati haqida qarama-qarshi fikrlar mavjud. Bu afsuslanarli, chunki u buyuk murabbiy.  Men uning «Arsenal»da o'tkazgan davridan hayratga tushaman, ammo endi hammasi yaxshi ketmayapti. Bu jamoa Venger ketmaguncha sovrinlar uchun jiddiy da'vo qila olmaydi.

Klub mentalitetini o'zgartirish kerak va yangi murabbiy ish boshlashi kerak. Ularning ishi yurishmayapti – o'zgarishlar amalga oshirish kerak. «Manchester Yunayted»dan Aleks Fergyuson ketganida bu jamoada hammasi silliq kechmadi, ammo o'zgarish «Arsenal»da o'zini oqlashi ham mumkin.

Yangi energiya va yangi g'oyalar, yangi murabbiylar va futbolchilar kelishi kerak. Yoki «Arsenal»ni hozirgi holat qoniqtirarmikin? Lekin hozirda «Arsenal» chempionlikka da'vogarligi haqida gapirsangiz, odamlar kula boshlaydi», – deya yozgan Forlan The National nashridagi kolonkasida.

Bundan oldinroq Arsen Venger londonliklar jamoasi bilan yana 2 yillik shartnoma tuzishi haqida xabarlar berilgandi.

Teglar: «myu»ning, sobiq, futbolchisi, «arsenal»ning, chempionlikka, davogarligi, haqida, gapirsangiz, odamlar, kula, boshlaydi,
← OldingaOrqaga →