«Yuventus» va «Inter» uchrashuvidagi qarorlari tufayli mojaro girdobida qolgan Ritstsoli xalqaro faoliyatini yakunladi

Italiyalik taniqli hakam Nikola Ritstsoli Rossiyada bo'lib o'tadigan JCh-2018 musobaqasigacha faoliyatini tugatmoqchi. Bu haqda Ritstsolining o'zi Italiya hakamlar qo'mitasiga ma'lum qilgan.

«Barcha narsaning ibtidosi va intihosi bor. Kerakli vaqtdi to'g'ri qaror chiqarish juda qiyin bo'lgan. Bir marta qaror chiqarib, unga doim amal qilish kerak doim shunday qilib kelganman.

Men JCh-2018 turniriga olib boradigan yo'ldan voz kechib, bu haqida hammani xabardor qilishni o'zimning burchim deb hisoblayman», deya uning Italiya hakamlar qo'mitasiga yozgan maktubidan iqtibos keltirgan Gazzetta dello Sport.

Ma'lumot uchun, ayni vaqtda 45 yoshda bo'lgan Ritstsoli 2014 yili Braziliyada o'tgan jahon chempionati hamda Frantsiya mezbonlik qilgan Evro-2016 turnirlarining eng yaxshi hakami sifatida tan olingandi.

U 5 fevral kuni Italiya chempionatining 23-turi markaziy uchrashuvi «Yuventus» — «Inter» bahsidagi qarorlari tufayli qattiq tanqidga uchradi. Bu haqda mahalliy nashrlarning birinchi sahifalarida yozishdi, sport telekanallarida shu uchrashuvni muhokama qilishdi. Ko'pchilik bu hakamning «Yuventus»ga ochiqchasiga yon bosganini ta'kidladi.

Video: Ikardi «Yuventus» — «Inter» o'yini yakunlangach, to'pni hakam tomon tepdi

Teglar: «yuventus», «inter», uchrashuvidagi, qarorlari, tufayli, mojaro, girdobida, qolgan, ritstsoli, xalqaro, faoliyatini, yakunladi,
← OldingaOrqaga →