Konte «Yuventus»ning asosiy tarkib futbolchilaridan birini Londonga olib kelmoqchi

«Yuventus»ning chap qanot himoyachisi Aleks Sandro «Chelsi» klubi qiziqishlari doirasiga tushib qolgan.

Tuttosport nashri bergan xabarga ko'ra, londonliklar jamoasi 26 yoshli braziliyalik futbolchini mavsum yakuniga etgach, sotib olishni istamoqda.

Yakshanba kuni «Chelsi» bosh murabbiyi Antonio Konte A seriyaning «Yuventus» va «Inter» jamoalari uchrashuviga (1:0) tashrif buyurgan va shaxsan o'zi Sandroning o'yinlarini kuzatgan.

Himoyachi 2015 yilning yozida, 26 million evro evaziga «Portu»dan «Yuventus» safiga o'tgandi. Futbolchi turinliklar bilan 2020 yilga qadar mo'ljallangan shartnoma imzolagan. Hozirda uning transfer narxi 45 million evroga baholanmoqda.

Italiya A seriyasining joriy mavsumida 20 uchrashuvda maydonga tushgan Sandro hisobida bitta gol va 5ta golli uzatma mavjud.

Teglar: konte, «yuventus»ning, asosiy, tarkib, futbolchilaridan, birini, londonga, olib, kelmoqchi,
← OldingaOrqaga →