Myuller «Arsenal»dan qanday o'yin kutayotganini aytib o'tdi
/ Kiritdi: BestMaster O'qilgan: 1267
«Bavariya» hujumchisi Tomas Myuller «Arsenal»ga qarshi o'yin oldidan fikrlarini bildirib o'tdi. Bu jamoalar EChLning 1/8 finali doirasida o'zaro uchrashadi.
«Biz «Arsenal»ga qarshi birinchi o'yinni o'z maydonimizda o'tkazishimiz qo'shimcha ustunlik beradimi? Ko'ramiz. Barchasi o'yindagi voqealar rivojiga bog'liq. Albatta, muxlislarimiz javob o'yiniga borib, qo'llab-quvvatlab turishlariga umid qilaman. Boshqa bir tomondan safarda urilgan gol ushbu qarama-qarshilik taqdirini hal etishi mumkin. «Arsenal» tarkibida kuchli va raqobatbardosh futbolchilar jamlangan. Bu jamoa hujumkor o'yin ko'rsatadi, bu esa bizga qo'l kelishi mumkin, ular hujumga o'tganida bizda qarshi hujum uchun bo'sh hududlar paydo bo'lishi mumkin», — deya Myullerning so'zlarini keltirgan Yahoo Sports.
«Bavariya» va «Arsenal» o'rtasidagi ilk o'yin 15 fevral kuni Myunxenda, javob uchrashuvi esa 7 mart kuni Londonda bo'lib o'tadi.
Bosh sahifaga
184
