Hakamni haqorat qilgan «Inter» futbolchilari diskvalifikatsiya qilindi

Italiya chempionati doirasida «Yuventus»ga qarshi kechgan va 0:1 hisobidagi mag'lubiyat qayd etilgan o'yin vaqtida va o'yindan so'ng bosh  hakam Nikola Ritstsolini haqorat qilgan «Inter» futbolchilari jazolandi.

Ma'lum qilinishicha, milanliklar jamoasi a'zolari Ivan Perishich va  Mauro Ikardi 2 o'yinga diskvalifikatsiya qilindi. Ularga 10 ming evrodan jarima ham tayinlangan.

Perishich o'yinga qo'shib berilgan daqiqalar davom etayotgan vaqtda Nikola Ritstsolini turtib yuborgani uchun maydondan chetlatilgandi. Ikardi esa o'yin yakunlangani haqidagi hushtak chalingach, to'pni hakamga qarata tepgandi.

Endi xorvatiyalik va argentinalik bu futbolchilar keyingi turlarda «Empoli» va «Bolonya»ga qarshi kechadigan o'yinlarda ishtirok etmaydi.

Milanliklar ayni vaqtda A Seriya turnir jadvalida peshqadam «Yuventus»dan 12 ochko ortda qolgan holda beshinchi o'rinda joylashgan.

Teglar: hakamni, haqorat, qilgan, «inter», futbolchilari, diskvalifikatsiya, qilindi,
← OldingaOrqaga →