Raneri «Lester» futbolchilariga taqiqlar qo'lladi, futbolchilar norozi

«Lester» bosh murabbiyi Klaudio Raneri jamoasini APLda olib qolish uchun barcha choralarni qo'llashga majbur bo'lmoqda.

The Sun xabariga ko'ra, italiyalik mutaxassis futbolchilariga tovuq go'shtidan qilingan burgerni eyishni taqiqlab qo'ygan. Bu «Lester» futbolchilarining o'yindan keyin tanovul qiladigan an'anaviy taomi hisoblanadi.

Raneri shogirdlariga lag'monni ko'proq iste'mol qilishni tavsiya qilgan. Murabbiyning bu qarori futbolchilarni ranjitgan. Ularga 65 yoshli murabbiyning taktikalarni va boshlang'ich tarkibni tez-tez o'zgartirishi ham yoqmayapti.

Murabbiyning bu qarori jamoada futbolchilar va o'zi orasida masofa saqlash maqsadida amalga oshirilgan. Jamoaning muvaffaqiyatsiz natijalari futbolchilarning mas'uliyatsizligi bilan bog'lanmoqda.

Angliyaning amaldagi chempionlari 2017 yil boshlanganidan buyon APLning o'tgan 5turida g'alaba neligini bilmadi - 1 durang va 4 mag'lubiyat. Jamoa ayni paytda 24 turdan keyin 21 ochko jamg'argan holda quyi ligaga tushib ketish xavfi ostida qolmoqda, 16-o'rindagi jamoani xavfli hududidan atigi 1 ochko ajratib turibdi.

Teglar: raneri, «lester», futbolchilariga, taqiqlar, qolladi, futbolchilar, norozi,
← OldingaOrqaga →