"Barselona" Ispaniya kubogi finaliga yo'l oldi

"Barselona" va "Atletiko" Ispaniya kubogi yarimfinalining javob uchrashuvida durang natija qayd qilishdi. Barselonada o'tgan uchrashuv 1:1 hisobi bilan yakunlandi.  

Uchrashuvning 1-bo'limi yakunlayotganda "Atletiko" darvozaboni jarima maydoni chizig'idan tepilgan to'pni to'g'ri Luis Suares oyog'i ostiga qaytardi, u esa bo'sh darvozaga to'pni yo'llashda adashmadi. 57-daqiqada Serxi Roberto qo'pol o'yini uchun ikkinchi sariq kartochka olib, maydonni tark etdi.

2-bo'lim o'rtalarida hakam tarkiblarni tenglashtirdi: "Atletiko" vakili Yannik Ferreyra-Karrasko raqibining oyog'ini poylab, uni yiqitdi va ikkinchi sariq kartochka oldi. 80-daqiqada Xerard Pike o'z jarima maydonida Kevin Gameyroga qo'pollik ishlatdi va 11-metrlik jarima to'piga sababchi bo'ldi. Jarima zarbasini jabrdiydaning o'zi amalga oshirdi, biroq darvoza ustuniga tegdi.

83-daqiqada Gameyro o'z xatosini to'g'riladi, u Antuan Grizmannning jarima maydoni tashqarisidan oshirgan uzatmasidan keyin to'pni to'g'ri raqib darvozasiga joyladi. O'yin yakunlanishi arafasida Suares raqibidan o'zib ketmoqchi bo'lib, tirsagi bilan uning boshiga tegdi va ikkinchi sariq kartochka olib, maydonni tark etdi. 

Birinchi uchrashuvni 1:2 hisobida yutgan "Barsa" finalga yo'llanma oldi. Kataloniyaliklarning finaldagi raqibi "Alaves" – "Selta" juftligi g'olibi bo'ladi. Bu jamoalar o'rtasidagi 1-uchrashuv 0:0 hisobida yakunlangan.

Ispaniya kubogi. Yarimfinal. 2-uchrashuv

Barselona – Atletiko – 1:1

Gollar: Suares – 1:0 (43); Gameyro – 1:1 (83).
Amalga oshirilmagan penalti: Gameyro, 58 (Atletiko)
Chetlatishlar: Roberto (57), Ferreyra-Karrasko (69), Suares (90).

Teglar: barselona, ispaniya, kubogi, finaliga, oldi,
← OldingaOrqaga →