«Real» darvozabonlar transfer rekordini yangilamoqchi

Madridning «Real» klubi rahbariyati yozda «Manchester Yunayted» va Ispaniya terma jamoasi darvozaboni David De Xea uchun 65 million evro taklif qilishmoqchi. Bu haqda Marca nashri xabar tarqatdi.

26 yoshli darvozabonning «MYu» bilan amaldagi shartnomasi 2019 yilga qadar mo'ljallangan, ammo ingliz klubi futbolchini sotishni rejalashtirmayapti va u bilan shartnomani uzaytirish payida yuribdi.

Ammo, yuqorida nomi keltirilgan manbada aytilishicha, madridliklar darvozabonga taklif qilayotgan summa bu taklifni o'ylab ko'rilishiga sabab bo'lishi mumkin.

Ma'lumot uchun, agar mazkur transfer amalga oshsa, De Xea dunyoning eng qimmat darvozaboniga aylanishi mumkin. Bundan oldingi rekord deyarli 18 yil muqaddam «Yuventus» tomonidan o'rnatilgan bo'lib, o'shanda turinliklar «Parma»ga Janluidji Buffon uchun 55 million evro to'lagandi.

Teglar: «real», darvozabonlar, transfer, rekordini, yangilamoqchi,
← OldingaOrqaga →