«Atletiko» futbolchisiga «Bavariya», «Arsenal» va «Chelsi» jamoalari talabgor

«Bavariya» jamoasi bosh murabbiyi Karlo Anchelotti Madridning «Atletiko» jamoasi yarim himoyachisi Yannik Ferreyra-Karraskoni o'z jamoasida ko'rishni istamoqda.

A Bola nashri ma'lumotiga ko'ra, nemis grandi ushbu belgiyalik futbolchini kelgusida Xitoyga yo'l olishi mumkin bo'lgan Duglas Kostaga o'rinbosar sifatida ko'rmoqda. 

23 yoshli futbolchiga ko'p vaqtdan buyon «Chelsi» qiziqish bildirib kelmoqda. Daily Star ma'lumotiga ko'ra, Antonio Konte uning transfer qilinishini rahbariyatdan so'ragan.

Sun Sport xabariga ko'ra, Londonning yana bir jamoasi «Arsenal» ham ushbu futbolchini transfer qilish imkoniyatlarini o'rganmoqda.

Ispaniya chempionatining 21 turidan keyin Ferreyra-Karrasko 20 uchrashuvda (14tasida boshlang'ich tarkibda) 6 gol urgan va 2 golga uzatma bergan. U boshqa turnirlar doirasida yana 4 gol urib, 5 golga hammualliflik qilgan.

Teglar: «atletiko», futbolchisiga, «bavariya», «arsenal», «chelsi», jamoalari, talabgor,
← OldingaOrqaga →