Sobiq mashhur darvozabon Viktor Chanov vafot etdi
/ Kiritdi: BestMaster O'qilgan: 941
Sobiq ittifoqning mashhur futbol darvozaboni Viktor Chanov, hozirda Tulaning "Arsenal" klubi darvozabonlari murabbiyi Vyacheslav Chanovning ukasi 57 yoshida vafot etdi, deb xabar bermoqda "R-Sport" nashri.
Sobiq ittifoqning 3 karra chempionining vafoti haqida uning yaqinlari ma'lum qilishgan. Futbolchi 8 fevralda hayotdan ko'z yumgan. Chanovning vafoti sabablari ma'lum qilinmagan. Biroq internetdagi ma'lumotlarga ko'ra, sobiq darvozabonning vafotiga 2017 yil 20 yanvarda noma'lum kimsalar tomonidan qilingan hujum oqibatida olgan bosh miya-chanoq jarohati sabab qilib ko'rsatilgan.
Viktor Chanov Donetskning "Shaxtyor" (1978-1981), Kievning "Dinamo" (1982-1990), Isroilning Xayfa shahridan "Makkabi" (1990-1993) va "Bney Iegudu" (1993-1994) klublarida o'ynagan. Bundan tashqari, Chanov Sobiq ittifoq terma jamoasi safida 21 ta o'yinda maydonga tushgan. Bu o'yinlar orasida 1986 yilgi jahon chempionati va 1988 yilgi Evropa chempionati final bosqichlaridagi o'yinlar bor. Evro-1988’da Sobiq ittifoq terma jamoasi finalgacha etib borib, u erda Gollandiya terma jamoasiga imkoniyatni boy bergandi.
1995 yilda Chanov murabbiylik faoliyatini boshlagan hamda Kievning TsSKA va "Dinamo" klublarida faoliyat yuritgan.
1986 yilda Sobiq Ittifoqda "Yil darvozaboni" deb topilgan. 1986 yilda Kievning "Dinamo" klubi safida Kubok egalari kubogi g'olibi bo'lgan.
Bosh sahifaga
180