Mixael Ballak O'zilga katta sovrinlarni yutishi uchun maslahat berdi

«Bavariya» va «Chelsi» jamoalari sobiq futbolisi Mixael Ballak «Arsenal» yarimhimoyachisi Mesut O'zilning «Bavariya»ga o'tishi futbolchi uchun foydali bo'lishini ta'kidladi.

«Mesut — ajoyib futbolchi. U «Arsenal»ning asosiy yulduzlaridan biri ekanini yaxshi biladi. Ko'plab jamoalar uni o'z safiga qo'shib olishni istashadi. Agar, O'zil katta sovrinlarni qo'lga kiritishni istasa «Bavariya»ga o'tishi kerak.

Uning transfer narxi juda yuqori ekani «Bavariya»ni qo'rqitadi, deb o'ylaymayman. Angliya va Xitoy klublarining transfer uchun sarflayotgan pullarini inobatga olganda, myuxenliklar Mesut uchun 50 million evroni ayamasliklari kerak. Agar ular eng yaxshi klublar qatorida qolishni istasa, bu xaridni amalga oshirishlari kerak. Jahon darajasidagi yulduz futbolchini olib kelish uchun biroz ko'proq xarajat ham qilish lozim bo'ladi», - degan germaniyalik sobiq futbolchi.

Teglar: mixael, ballak, ozilga, katta, sovrinlarni, yutishi, uchun, maslahat, berdi,
← OldingaOrqaga →