Maradona kimni dunyoning eng yaxshi murabbiyi deb hisoblashini aytdi. Bu Gvardiola emas

Argentina terma jamoasi sobiq futbolchisi va murabbiyi Diego Maradona vatandoshlari — «Sevilya» bosh murabbiyi Xorxe Sampaoli va «Atletiko» ustozi Diego Simeone haqida gapirib o'tdi.

«Sampaoli – hozirgi kunda dunyoning eng yaxshi murabbiyi. Simeoneni ham eng yaxshi deb aytgan bo'lardim. Biroq uning «River Pleyt» bilan muvaffaqiyatsizliklarini muxlislar haligacha ayblash bilan muhokama qilishadi» - degan Maradona.

Eslatib o'tamiz, Diego Simeone 2007-2008 yillarda «River Pleyt»ni boshqargan. Jamoa bilan 2008 yilda «Klausura» (Argentinada chempionatning ikki davrasi ikki xil nomlanadi va har davrada alohida chempion nomi aniqlanadi — Tribuna.Uz) g'olibi bo'lgan. Biroq «Apertura»da so'nggi o'rinni egallagach, iste'foga chiqarilgandi.

Ispaniya chempionatining 21-turi yakunlariga ko'ra, «Sevilya» 43 ochko bilan turnir jadvalida 3-o'rinda bormoqda.

Teglar: maradona, kimni, dunyoning, yaxshi, murabbiyi, hisoblashini, aytdi, gvardiola, emas,
← OldingaOrqaga →