Ikrom Aliboev va Eldor Suyunov terma jamoaning Turkiyadagi yig'inida ishtirok etmaydi
/ Kiritdi: BestMaster O'qilgan: 988
O'zbekiston milliy terma jamoasi yarimhimoyachisi Ikrom Aliboev va darvozabon Eldor Suyunov O'zbekiston milliy terma jamoasining Turkiyadagi yig'iniga bora olmaydigan bo'ldi.
O'FF matbuot xizmati bergan xabarga ko'ra, futbolchilar jarohatlari sabab mazkur yig'inda ishtirok eta olishmaydi.
«Lokomotiv» yarimhimoyachisi klub mashg'ulotlarida jarohat olgan va «temiryo'lchilar» safida alohida shug'ullanmoqda. «Nasaf» posboni esa bir muddat avval safdan chiqqandi. Suyunov jarohati sabab «Nasaf»ning «Al-Fath»ga qarshi (0:1) OChL–2017 pley-off uchrashuvini o'tkazib yuborishga majbur bo'lgandi.
Ta'kidlash joiz, Ikrom Aliboev jarohati sababli 21–24 yanvar kunlari terma jamoaning BAAdagi yig'inida ham ishtirok eta olmagan edi.
Eslatib o'tamiz, O'zbekiston milliy terma jamoasi JCh–2018 turniriga saralash bosqichi ikkinchi davrasiga tayyorgarlik ko'rish maqsadida Turkiyaning Antaliya shahrida qisqa muddatli o'quv-yig'in mashg'ulotlarini boshlagan. 12 fevralga qadar davom etadigan yig'in doirasida Babayan shogirdlari Rossiyaning «Amkar» (10 fevral) va Armanistonning «Alashkert» (11 fevral) klublariga qarshi nazorat o'yinlarida maydonga tushadi.
Bosh sahifaga
636