Aguero uchun raqobat qilayotgan jamoalardan birining imkoniyati ko'proq

«Inter» «Manchester Siti» jamoasi hujumchisi Serxio Agueroni qo'lga kiritish uchun jiddiy harakat qilmoqda.

The Times xabariga ko'ra, manchesterliklar klubi rahbariyati milanliklarga Agueroni 93 million evro evaziga sotib olish mumkinligini ma'lum qilgan.

«Inter» ushbu 28 yoshli argentinalik futbolchiga 3 oydan buyon qiziqish bildirib keladi. Jamoa unga yiliga 9 million evro miqdorida maosh tayinlashga tayyor.

Ba'zi manbalarga ko'ra, italiyaliklar jamoasining xitoylik yangi investorlari yozgi transferlar uchun 400 million evro ajratmoqchi.

Eslatib o'tamiz, inglizlar jamoasi safiga yanvarda braziliyalik vunderkind Gabriel Jezus kelganidan so'ng, Aguero asosiy tarkibdagi o'rnini yo'qotdi.

Bundan oldingi xabarlarda ushbu futbolchiga «Real», «Chelsi», «PSJ», «Milan», «Barselona» va «Yuventus» kabi grand jamoalardan qiziqish mavjudligi xabar qilingandi.

Teglar: aguero, uchun, raqobat, qilayotgan, jamoalardan, birining, imkoniyati, koproq,
← OldingaOrqaga →