Frenk Lempard murabbiylik uchun amaliyotdan o'tayotgani ma'lum bo'ldi

«Chelsi» futbol klubining yaqinda o'yinchilik faoliyatini yakunlagan sobiq yarim himoyachisi Frenk Lempard London klubida amaliyotdan o'tmoqda, deb xabar berdi Mirror. Angliya termasining sobiq xavbeki ko'klar akademiyasiga qatnab, V murabbiylik kategoriyasi uchun kerakli bo'lgan bilim va ko'nikmalarni olishga harakat qilmoqda.

Lempard o'z faoliyatini «Vest Xem Yunayted» jamoasida boshlagan. 2001 yilda yarim himoyachi «Chelsi»ga o'tib, u erda 13 yil to'p surdi. U 2014-2015 yillar davomida «Manchester Siti»da o'ynagan bo'lsa, o'tgan mavsumni «Nyu-York Siti»da o'tkazdi.

Frenk «Chelsi»ning barcha davrlardagi eng yaxshi to'purari hisoblanadi. U 648 uchrashuvda 211 to'p kiritgan.
 

Teglar: frenk, lempard, murabbiylik, uchun, amaliyotdan, otayotgani, malum, boldi,
← OldingaOrqaga →