Van Persi ishqibozlarga tilini ko'rsatgani uchun uch uchrashuvga chetlatildi

Turkiyaning «Fenerbahche» futbol klubi hujumchisi Robin van Persi mamlakat kubogining 1/8 finali doirasida «Beshiktosh» bilan bo'lgan o'yindagi (1:0) xatti-harakati tufayli uch uchrashuvga chetlatildi. Bu haqda Football Oranje xabar berdi.

Bellashuvda yagona to'pga mualliflik qilgan tajribali forvard raqib jamoa ishqibozlariga tilini ko'rsatib, Dushko Toshich va Og'uzxon Ozyokupni provokatsiya qilgan. Gollandiyalik Turkiya chempionatida 3 uchrashuvga chetlatilib, 5 ming evro miqdorida jarima pulini ham to'laydi.

«Beshiktosh» bilan uchrashuvdan so'ng Dushko Toshichning rafiqasi Elena Karleusha «Tvitter»da «Van Persi — razil odam. Tentak, oyog'ingni sindirib ol!» degan xabar qoldirib, van Persini haqorat qildi.
 

Teglar: persi, ishqibozlarga, tilini, korsatgani, uchun, uchrashuvga, chetlatildi,
← OldingaOrqaga →