Obameyang uchun «Real»dan boshqa da'vogarlar bor, dortmundliklar futbolchining narxini ma'lum qildi

Dotmundning «Borussiya» jamoasi hujumchisi Per-Emerik Obameyang yozda klubini tark etishi oydinlashmoqda.

Ushbu 27 yoshli hujumchiga «Real»dan tashqari, Angliyaning «Liverpul» va «Manchester Siti» jamoalari ham da'vogar bo'lib turibdi. The Sun xabariga ko'ra, mersisaydliklar jamoasi vakillari yaqin vaqtlar ichida bu futbolchining transfer borasida muzokaralarga kirishadi.

Goal.com portali xabariga ko'ra, dortmundliklar jamoasi gabonlik futbolchini 70 million evroga sotishga tayyor. 

Futbolchining o'zi esa bir necha marta «Real» klubi safida o'ynashni orzu qilishi haqida aytgandi, shu tufayli u uchun raqobatda madridliklar jamoasining imkoniyatlari ko'proq. Uning nemislar jamoasi bilan amaldagi shartnomasi muddati 2020 yilgacha tuzilgan.

Obameyang joriy mavsumda barcha turnirlar doirasida 24 uchrashuvda maydonga tushib, 21 gol urdi va 2 golga hammualliflik qildi.

Teglar: obameyang, uchun, «real»dan, boshqa, davogarlar, dortmundliklar, futbolchining, narxini, malum, qildi,
← OldingaOrqaga →