Angliya Hukumati mamlakat futboliga aralasha boshladi
/ Kiritdi: BestMaster O'qilgan: 1036
Tez orada Angliya futbol assotsiatsiyasida katta o'zgarishlar bo'lishi kutilmoqda.
Britaniyaning etakchi nashrlari tomonidan yozilishicha, ingliz parlamenti federatsiyaga nisbatan ishonchsizlik votumi e'lon qilgan. Parlament a'zolari FA bu qarorni rad etadigan bo'lsa, ularga davlat tomonidan modernizatsiya uchun ajratiladigan 30-40 million funt miqdoridagi mablag' berilmasligi bilan ogohlantirgan. Shuningdek assotsiatsiyada o'zgarishlar bo'lmasa, parlamentariya keskin choralar ko'rishini bildirib o'tgan.
FA faoliyatini tadqiq qiluvchi qo'mita 2010 yildan buyon 2 marta tashkilotga ko'proq e'tiborni muxlislar va ommaviy futbolga qaratish bo'yicha tavsiyaviy bayonot bilan chiqqan.
FA‘ga buning uchun 6 oy muhlat berilgan, biroq bu talablar bajarilmagan. Shuningdek assotsiatsiya rahbariyatining moliyaviy ko'rsatkichlari va tayinlanish muddati bo'yicha ham talablar ijrosiz qolmoqda.
Eslatib o'tamiz, mamlakat futbol ittifoqiga Hukumatning aralashuvi jiddiy sanktsiyalarga sabab bo'lishi mumkin. Misol tariqasida Angliya FIFA va UEFA bayrog'i ostida o'tadigan barcha turnirlardan chetlatish xavfi mavjud.
Bosh sahifaga
220